[ برنامج تسجيل ] WireTap Studio

قمت بشراء برنامج WireTap Studio قبل شهر تقريباً بعد التجربة 30 يوم للبرنامج وهي مقدمه مجاناً من موقعهم وصراحه تجربة البرنامج حركت في نفسي الكثير وثلاثين يوم كانت ممتازة للأستعداد لشراء البرنامج عن قناعة تامه بما يقدمه وماهو المفيد فيه والحمدلله اقتنعت وشريته من الموقع وانا مرتاح ولكن ليه شريته ..

شريته لأني وجدت في كل مميز عن باقي برامج التسجيل .. حيث يقدم لك البرنامج تسجيل اي تطبيق مفتوح في البرنامج .. وهذا ليس كل شيء .. بل يمكنك تسجيل تطبيقين في وقت واحد .. وطبعاً انا لما اجي اسجل قصائدي الصوتيه في الماضي اقرب المايك من عندي ثم اجيب سماعتين كبار واشغل الموسيقى فيها او الاهات ثم اطفي المكيف ثم ابدا .. ولكن مع هذا البرنامج قدرت اربط صوتين فقط بالتسجيل وهو برنامج الـ itunes مع المايك وطبعاً اوازن صوت الموسيقى لازم يكون اقل من صوتي بالمايك من خلال برنامج الـ itunes اوطي صوت الموسيقى .. طبعاً النتيجه كانت مذهله .. صوت الموسيقى جداً صافي وصوتي على المايك فعلاً ممتاز .. وسوف اقدم لكم شرح مبسط للبرنامج ..

Picture%201 [ برنامج تسجيل ] WireTap Studio

1 – تقدر بعد تسجيل اي صوت تحويله الى التطبيقات التاليه بضغطة زر
2 – هذا شكل البرنامج عن تشغيله صغير جداً ولا ياخذ مساحه من الشاشه
3 – هنا الملفات المفتوحه لتسجيلاتك
4 – أيقونة اعدادات الامتدادات اللي تبي التسجيل يكون امتداده
5 – باقي الاعدادات راح تظهر لك لما تضغط على اربعه موازن الصوت وغيره ..

Picture%202 [ برنامج تسجيل ] WireTap Studio

لاحظ بعد كل تسجيل يطلع لك موازن الصوت والتعديل عليه كالقص وغيره .. لاحظ اللونين بالشكل الصوتي للتسجيل فيه لون زيدي غامق ولون ازرق غامق هذا الصوتين اللي تسجلت من التطبيقين لكي تعرف اي منهما اعلى من الثاني وللتميز .. الخ

Picture%203 [ برنامج تسجيل ] WireTap Studio

لاحظ السهمين هنا بضغطة زر تختار التظبيق اللي تبي تسجل منه الصوت .. وانا مختار الايتونز والمايك .. وشوف الصوره المصغره لشكل التطبيقات عند عرضها وتغيرها .. شي رائع ..

Picture%204 [ برنامج تسجيل ] WireTap Studio

Picture%205 [ برنامج تسجيل ] WireTap Studio

طبعاً المفيد من البرنامج ايضاً .. تسجيل صوت التطبيق فقط .. مثلاً انت جالس تسمع ملف صوتي بالايتونز وماتبي تطفيه عشانك تسجل راديو من اي متصفح او اي برنامج ماعليك لا تطفي اللي انت تسمع وحدد البرنامج اللي تبي تسجل صوته فقط ( الراديو ) وراح يسجله لحاله بدون صوت الايتونز .. يعني شي رهيب يحمسك تشتري البرنامج وهو مو غالي جداً ( 177 ريال ) كلفني البرنامج ..

سعود الخميس



4 تعليق في ”[ برنامج تسجيل ] WireTap Studio“

  1. جداً جميل البرنامج
    انا شريته ايام العرض مع باكج كامل من البرامج وكلها كانت بـ ٣٩ دولار !!
    والحمدلله اني لحقت ع العرض وشريته

    يعطيك العافيه سعود

    • حياك الله ان شاء الله دوم موسع صدرك يالغلا ،، المشكلة تجي العروض وانا مفلس دايم ،، عييت اصيدها :(

      الله يعافيك يالغلا ،،

  2. شكرا لك على هذا الشرح اخي سعود
    البرنامج من جد ممتاز

  3. من زماااان أدور على برنامج زي كذا ..
    أنا أحتاج برنامج يسجل لي الصوت من الجهاز بدون ما يكون على السبيكر وبنفس الوقت يسجل صوتي من المايك الداخلي حق الجهاز..

    الهدف إني أسجل محادثات برنامج Skype.. لأني آخذ دروس أون لاين.. وودي لو أقدر أحفظها عندي على شكل ملفات صوتية..

    اليوم جربت البرنامج وفعلاً قدرت أسجل المحادثة بوضوح .. شكرااااا..

    جاري شراء البرنامج..