كما تحدثت سابقاً قبل نزول البرنامج عن شرح البرنامج وماهو الجديد في البرنامج واليوم ولله الحمد سوف اقوم بعرض جميع تجاربي على البرنامج من ناحية المميزات الجديدة والاداء بشكل عام وهل هناك فرق في سرعة البرنامج هل الجديد اسرع ام القديم .. الخ
سوف اقوم بشرح التثبيت ،، تثبيت البرنامج كان خلال فترة ربع ساعة وكانت الامور طبيعيه لا تعليق ولا اي شي ( متعودين من زمان مع الماك اساساً ) ،، بعد تثبيت البرنامج طلب اعادة تشغيل ،، بعد اعادة تشغيل دخلت البرنامج طلب اب جريد لمكتبة الصور حقتي وافقت والاب جريد مااخذ خمس دقايق ،، بعدها توجهت الا ميزة faces وجدة البرنامج من نفسه يسوي سكان لجميع الصور في مكتبتي لتحديد الوجوه وجلست انتظر السكان تقريباً ساعه كامله بعد السكان عملت تحديد لبعض الوجوه اللي بالمكتبه وكانت النتائج رائعه كما ستشاهدون في الصور ان شاء الله ،، وبعد ذلك تم تحديد اماكن الصور يدوياً مع ميزة places ،، وبعد ذلك تم تجربة العروض وكانت اكثر من رائعه افضل من السابق ،، ومن ناحية فرق السرعة بين القديم والجديد ماواجهة اي فرق البرنامج القديم كان سريع والجديد نفس السرعه يعني مافيه اختلافات واضحة في السرعة ،، الان راح اعرض صور تجاربي مع البرنامج ،،
سعود الخميس ^_^
iPhoto 09 ليس مجرد مستعرض للصور ..
حبيته من أول تجربه ..
حياك الله اخوي شرقفني مرورك الكريم ،، أكيد البرنامج ليس مجرد مستعرض صور ولكن لكل شخص استخداماته انا استخدم البرنامج لترتيب جميع صوري وعرضها ،، ولكن بالتعديل هناك برامج اقوى بمراحل من برنامج الاي فوتو 09 يعني انا أستعمله أستعمال المستعرض فقط لا غير ^_^
الله يالدنيا
والله انها صغيره وبس ..
مواضيعك جميله ياسعود واختيارك لشروحاتك مفيد كثير .. بس كثر ماشدني شرحك وكلامك عن الاي فوتو شدتني اكثر صورة ( رامي )
اظنه رامي العسكر ولا لا ؟
امانه سلم لي عليه سلام كثير .. قل له عبدالرحمن المطيري يسلم عليك سلام كثير.. ومدري بيذكرني او لا .. دارسين سوا ست سنين بالابتدائيه وكل سنه بفصلي هههههههههههه
تخيل بعد هالزحمه اللي سويتها يصير رامي ثاني مهوب خويي خخخخخ
تسلم ياسعود واعذرني خطمت بموضوعك 😀
ههههههههههه أبشرك صار أسمه اللحين فيصل العسكر غير أسمه من زمان لكن حنا بما أننا من يومنا مبزره نعرف بعض صرنا نناديه رامي طول الوقت وإن شاء الله راح اسلم لك عليه ،، وتخيل يكون موب خويك ( يعني ماادري الصوره تستهبل الظاهر ) هو رامي العسكر يالغلا ،، وعادي جبت العيد في أخوياي كلهم ناشر صورهم نشر ههههههههههههههههه ،،
شرفني حضورك الكريم يالغلا ،،
اخوي سعود بالرغم انه البرنامج ليس بغريب ، لكن محد حلى الموضوع غير صورتك 🙂
تسلم على الوقت اللي قضيته في كتابة سطور الموضوع .
تقبل مروري
حياك الله يالغلا ،، شكراً على ردك الجميل ياجميل ^_^
تذكرت الشلة اللي بالـ iPhoto عندي
من الاطفال لين اكبر العايله .. لكن هالبرنامج مرره ممتع .. خصوصي اذا كنت جامع ذكريات ورحلات وصور اخوك الصغير من انولد لي كبر =)
شكراً عالاضافة
الله يخليهم لك يالغلا ^_^
جميل جدا
كيف خذيت الصورة ببروازها ؟ سكرين شوت ؟ وكيف
اذا كنت تقصد اول صوره من خاصية faces اي وجه تحدده يسويلك برواز دايركت اما الصور اللي تحت خليته يعرض الصور باشكال مختلفه بعدين سكرين شوت
شرفني حضورك الكريم
شكرا يا غالي
أخي سعود
أحيانا أستخدم خاصية Places و هي خاصية جيدة و لكن عنما أحدد المكان يدويا لا يظهر PIn على الخريطة
مثل مدينة العقبة Aqaba تحددها و لكن لا يظهر Pin الخاص بها
فهل هناك سبب لذلك