اليوم سأتكلم عن إضافة خاصة لبرنامج الـ Mail لنظام الماك لتنظيم وترتيب البريد وهي إضافة Widemail ستسمح لك هذه الإضافة بعمل خصائص لا يمكن عملها على برنامج الـ Mail بدون إضافات وهي فعلاً مفيدة جداً ،، مثل عرض الرسائل بشكل أفقي أو عرضي أو على الجانب الأيمن ،،
* قبل البداية :
عليك متابعة المقال التالي ” بدايتك مع برنامج Mail ” فهو برنامج جميل جداً لتنطيم وترتيب البريد والإرسال والإستقبال ،، الخ يعمل كما يعمل برنامج الآوت لوك في نظام ويندوز.
* مثال لقبل وبعد الإضافة :
* بعض مميزات الإضافة :
- عرض محتوى الرساله على الجانب الأيمن.
- التحكم في حجم خطوط العناوين والمسافات بينها.
- التحكم في شكل جداول عرض البيانات في العناوين.
* مفيده لمين ؟ :
- لأصحاب الشاشات العريضة.
- لأصحاب الشاشات ذات الدقه العاليه.
* الشرح بالفيديو :
أخوكم : سعود الخميس.
اضااافه جميله جدا
مع انه الميل عندي لمن احد يرسلي ماتجيني الرسائل مو عارفه المشكله
على العموم تسلم كثييير
يا اخي تسلم عالاضافة ولكن الم تجد احسن من هذه الصورة الخليعة لتشرح عليها؟
الله يسامحك…
how could i download this plug-in?
thanks
تسلم الصراحه هذا اللى كان نقص
بس حبيت أسلك الرساله تظهر عندي من اليسار
أبغيها من اليمين لنها عربيه فصعب قرايتها من اليسار
ناقص <<
لانها <<
دائم مبدع يا سعود
سوف تكون مدرب ناجح في المسقبل
اقول سعود مافيه اخبار عن تعريب ايباد (؛
دائما مبدع اخوي سعود
يعطيك الف عافيه
عندي سؤال ..
كيف تغيير ألوان الرسائل .. شايف لون أزرق وبرتقالي
ويعطيك العافية
أشكركم عرفت الطريقة …
انا استخدم جوجل نوتيفير ، لاني احتفظ بالرسائل و اخاف تثقل علي
مافيه طريقه لحذف الرسايل المقروءه من mail مع الابقاء عليها في حسابي في الموفع نفسه ؟
او استخدمه كنوتيفير
تشكر اخي الكريم على هذه الاضافة.
ولكن يجب عليك التأكد من ان هذه الأداة تعمل بكفائة مع جميع المستخدمين.
قمت بتحميل الاداة وتركيبها ولكن سبب وجود اضافات اخرى لدي مما تسبب في تعليق برنامج البريد.
وعند قراءة مدونة مبرمج الاداة تبين لي ان هناك خلل وحلها صعب. وبعد حلها تبين ان هناك مشكلة آخرى وهي اختفاء عامود اموضوع الرسالة وهذه تتطلب ايجاد برنامج لتحرير ملف الخواص. وللأسف غير موجود لدي بسبب انه مع مجموعة برامج المطورين للماك .لذا قررت حذق ملف الخواص الخاص ببرنامج البريد.. بالتأكيد تعرف ما يعنيه هذا ..
تم حذف جميع معلومات الحسابات والخيارات الخاصه بي.
ما لاحظته في شروحاتك انك تركز على الجزء الجميل بالرامج وحتى لو كانت لم تعمل بشكل صحيح .
اتمنى ان تضع ملاحظه بالمشاكل التي ربما تحدث والتي ذكرها المبرمج في موقعه .. هل قرأتها؟
تحياتي
العفو يالغلا ،،
يالغالي مافيه شي أسمه التأكد من عمل الأداة مع جميع المستخدمين ! ممكن يكون الخلل من المستخدم نفسه مو من الاداة ،،
بالنسبة للمشاكل اللي حصلت لك أتمنى ماتلومني على شيء مو أنا المخطأ فيه أو تسببت في الخطأ فيه ،، ايضاً مو من المنطق اجي اسأل كل شخص انت وش مركب اضافات او وش مسوي في جهازك ؟! بما انك انت اللي مركب اضافات ومسبب زحمه في نظامك انت اللي المفروض تقرا وتشوف هل بتسبب مشاكل لك ولا لا لانك انت صاحب الاضافات وانت اللي مركبها ويمكن انت من النوادر اللي يستخدمها ! ياليت تفهم قصدي !
بالنسبة لحذف العامود ياليت تشوف الشرح كامل عشان ماتتهمني او تظلمني في المرات الجايه وذكرت قبل حذف الاضافه وش عليك تسوي عشان تتلافا مشكلة اختفاء عامود موضوع الراسله ،،
بالنسبة بالتركيز بالشيء الجميل أتمنى تتابعني بشكل جيد وتقرا السلبيات قبل الايجابيات لاني دايم لو حصلت فيه سلبيات في الاستخدام في اي شرح اذكره !
طبعاً حتى كلمة ( تعمل بشكل جيد ! ) منت مركز فيها ! وشلون ماتعمل بشكل جيد وتشوفها تعمل ولا احسن منها في الشروحات ؟!
بالنسبة للمشاكل ذكرت لك مشكلة العامود وتم حلها بس مشاكل اخرى واضافات هذي على المستخدم نفسه مو علي لاني مو معقوله بسأل كل العالم وش عندكم اضافات ؟!
أتمنى في المرات القادمه لا تحط اللوم على شخص آخر والخطأ ليس منه !
فأنت اللي مركب الاضافات وانت الواجد منك تبحث هل الاضافه الجديده بتسبب لك مشاكل ولا لا ،،
بالتوفيق
نفس المشكلة ..
سويت تحديث للـميل بعد ما كان عندي الإضافة .. ثم حذف لي عمود الـ Subject:( !
أتمنى يكون فيه حل ..
يالغالي ياليت تشوف الشرح كامل ،، ذكرت قبل الحذف وش لازم تسوي عشان ماينحذف هذا العامود
بالتوفيق
اللي عليك تسويه الان تعيد ثبيت الاضافة ثم متابعة الشرح للآخر ،،
بالمختصر ،، بعد تثبيت الاضافة ضيف العواميد اللي قلتلك علم عليه قبل الحذف
وراح تنحل المشكلة عندك
الله يسلمك على ردك
بعد تثبيت الإضافة ..
تظهر لي رسالة :
Incompatible plug-ins Disabled
وكنت قبل ما أسوي Upgrade للـميل أضفتها بدون مشكلة ..
مع العمل بأن العنوان لا يظهر عندي فقط مع السمارت بوكس ، أما غيره فيظهر لكن لا أجده من ضمن قائمة View » Columns ..
يعني مشكلتي إني ما أقدر أضيف الإضافة مرة ثانية ..
وأنا ما حذفتها ، لأنها الحقيقة أعجبتني ، لكن تعطلت بسبب تحديث الميل وهي غير مدعومة في التحديث الجديد .
الله يعطيك العافية أخوي سعود