آيبود

LunaTik للآيبود نانو

آيبود

اليوم سنتحدث عن إكسسوار مشهور لتحويل الآيبود نانو الى ساعة يد بشكل أنيق جداً وهو إكسسوار LunaTik ،،

مميزات LunaTik :

  • سعرها 79.99 دولار وهو مناسب بالنسبة لجودتها.
  • لن تشعر أبداً أن الآيبود نانو ليس ساعة عند تركيبها.
  • لن تجد هناك أصوات ( حركه ) عند تحريك يدك بسبب التصنيع المحكم.
  • طريقة التركيب جداً سهله والمظهر جداً مناسب كساعة يد.
  • خفيفة الوزن حتى بعد تركيب الآيبود نانو سيصبح وزنها على يدك كالساعات.

تجربتي لـ LunaTik :

قمت بتجربة الآيبود نانو مع LunaTik فكانت التجربة جداً رائعه فلم أجد الفرق بين وزن الساعه ووزن الآيبود نانو مع LunaTik وأيضاً أضافت لدي خصائص جديدة بساعتي الجديدة وهي ،،

  • يمكنني إستخدام ساعتي كمشغل صوتي من خلال توصيله بالسماعات.
  • يمكنني إستخدام ساعتي كراديو من خلال توصيلة بالسماعات.
  • يمكنني إستخدام ساعتي كمنبه وكمقياس للوقت.
  • يمكنني إستخدام ساعتي لعرض الصور بشكل مصغر.
  • يمكنني إستخدام ساعتي للإستماع للبودكاست الصوتي.
  • يمكنني التحكم بساعتي بالكامل باللمس المتعدد.

الشرح بالفيديو :

قريباً :

أسف جداً على التقصير في التقرير والأخطاء التي وقعت في الفيديو كنت وقتها أعاني من بداية أنفلونزا ،، الله يحفظنا ويحفظكم من كل مرض ،، وقريباً سيتم عمل تقرير كامل عن جهاز الآيبود نانو وكيف يمكنك الإستفاده منه بشكل كامل سواء تريده على شكل ساعة أو بأي شكل من الأشكال فهو صغير الحجم بمميزات رائعه قد تستغربها بجهاز يحمل هذا الحجم.

أخوكم : سعود الخميس.

الوسوم

46 رأي على “LunaTik للآيبود نانو”

  1. يعطيك العافيه .. بصراحه روعه 🙂

    انا اشتريت اللي موجوده بموقع آبل .. جداً كويسه و مناسبه ..

    لكن فيه خطوه انت كاتبها ..

    – يمكنني إستخدام ساعتي كمنبه وكمقياس للوقت.
    حبيت اعرف هل صحيح اقدر اخليها تصير منبه ؟
    لأني ماعرفت كيف ..

    ويعطيك العافيه اخوي سعود ..

  2. طريقة مفيدة للنقل في الامتحانات من ساعتك ، مين رح يشك انه أيبود نانو خخخخ

  3. مشكور على هذا الجهد ، و إلى الامام

    و سلامتك من النزلة الصحية تقوم بالسلامة

  4. سعود ما شاء الله عليك مافي شيئ يخص ابل الا وانت مشترية ،،،،،ممكن تسلفني ٥٠ ريال ههههه

    بالبركة الله يحميك من عيون الحاسدين ….بالتوفيق يا مبدع

  5. ماشاء الله عليك ياسعود
    الله يجزاك خير وماقصرت وبصراحه كفيت ووفيت

    ومع كل هذا مانشبع من تقاريرك

  6. اشتري بسعر ايبود نانو مع سعر الاكسسوار ساعه سويسرية فاخرة وفخمة ! ادري انه ايبود رائع بس ما يصلح كساعة لان آبل صممته على انه يكون مشغل مو ساعة بس قكرة حلوة للي معه ايبود نانو حتى معي الجيل اللي قبله اللي بكاميرا خليفة <<< عشان ما تقولون متعصب .

  7. السعر مبالغ فيه .. نكون واقعيين شويا بس

    و دا أسلوب تبرير واضح ” الشعر مناسب بـ النسبه لجودتها ”
    السعر بـ الضبط 300 ريال سعودي !!

  8. ياخي بصراحة بدون زعل ؟

    انت بطران وقاعد تصرف فلوسك على أبل.. عالأقل لو انك مسوي بزنس من الريفيوز اللي تسويها بنقول ممكن..

    بس انت ما تصدق منتج جديد لأبل تشتريه وتجي تسوي ريفيو تكشخ فيه.!

    تراني أتكلم جد ما انتقص من قدرك ولا شي.. لازم تشوف لك طبيب نفسي..

    ياخي كلنا نحب منتجات أبل وكذا.. بس مو لهالدرجة.!! باقي تقلب اسمك سعود أبل الخميس.!

    هل إنت دارس برمجة؟ تقنية معلومات؟ هندسة شبكات؟ أي شي له علاقة بالتقنية؟ والا بس حياتك تعتمد على حب لماركة أبل؟؟؟

    حتى حساب تويتر حقك أبلشتني من كثر مواضيعك عن أبل.. ما عندك حياة خاصة فيك غير أبل؟؟

    تقدر تقول لي انك بجد كنت (محتاج) هالشي قبل لا تشتريه؟ والا بس (تبغاه)؟

    دايم سوي مقارنة.. والشي اللي تحتاجه.. ووش اللي تبغاه..
    واتوقع في كثير اشياء نبغاها.. بس ما نحتاجها.. 🙂

    1. ياخي حرام عليك الرجل بدل ما تقول له كثر الله خيرك صرف فلوسه وتعب عشان يسوي ريفيو ويعلمك رأيه قبل انت تطب وتشتري وصار كبش فداء ترد عليه كذا؟؟!!

      بدل مانشكره نتهمه انه مريض ويحتاج طبيب نفسي

      اخوي مشكور ويعطيك العافية والله يعوض عليك المبلغ الي صرفته واوصيك تحس النيه والله بيرزقك من حيث لاتدري اذا نيتك تعلم الناس وتصير كبش فداء

      شكرا لكم جميعا

    2. حياك الله ..

      أولاً : انا منيب بطران انا حالتي المادية متوسطة لكن الفرق بيني وبين غيري أني أعرف متى أصرف فلوسي ومتى أجمعها وليه أجمعها.

      ثانياً : سبق وذكرتها أنا انسان منيب راعي قهاوي ولا عشا خارج المنزل جميع مايتم انفاقه بخارج المنزل ممكن انا 90 بالمية ماانفقه فأجمعه عشان خاطر أجهزتي لاني حاب اعدل بين الصرف على حياتي بالبيت وبين الصرف على أجهزتي.

      ثالثاً : ياليت تذكر الله لاني اغلب اجهزتي من تالي صارت تخرب وتتكسر بدون سبب.

      رابعاً : بالنسبة للكشخة أتمنى تحسن النيه حنا كبرنا على نظام الاطفال اللي هو جبت الجهاز قبلك ولا مسبحنا اكبر من مسبحكم فبالتالي لا تفسر اي عمل اقوم به لإفادة الناس على كيفك.

      خامساً : بالنسبة للدواسة عندي دبلوم شبكات لمدة سنتين وحالياً ادرس جامعه مابقالي شي واتخرج .. مع انك المفروض تقيم الشخص بجهده مو بشهاداته واكبر دليل اغلب الشخصيات التقنيه اللي غيرت العالم كلها ماكلمت دراستها.

      سادساً : أحب شركات كثير غير ابل اولها شركة بوز وشركة سوني وشركات آخرى ممكن ماتهمك لكن ابل كانت مسيطره فكان الحديث عنها اكثر من غيرها في جميع المدونات التقنية .. بس صدقني اذا قلت لك اعلنت ولائي لآبل لاني جالس ارد لها جميل تغيير حياتي من خمس سنين.

      سابعاً : بالنسبة لحسابي في تويتر ياليت ماتتابعني عشان ماابلشك لاني ماجيت قلتلك ياليت تتابعني وتراك مجبور !.

      ثامناً : أي شيء أقوم بعمل ريفيو عنه تأكد اني مخصص له وظيفة في حياتي انت وللاسف من بداية التعليق جالس تقارن بين عقليتي وعقليتك وجالس تحلل الاجهزه اللي اشتريها ( بما انك ماتحتاجها ) مو شرط انا مااحتاجها فبالتالي الناس مختلفين ولكل شخص حياته فلا تحكم عالاشخاص وتطلب منهم العيش كما تريد انت ان تعيش .. والفرق بيني وبينك انت تبي الشي ولا تسعى في الحصول عليه بعكسي تماماً انا اذا بغيت الشي سواء كنت احتاجه او مااحتاجه لابد احصل عليه فبالتالي صرت وانا حالتي الماديه ممكن تكون اقل منك ( بطرانه في عيونك ) !! اكرر اذكر الله.

      بالتوفيق

      1. يا عزيزي ما شاء الله تبارك الله..
        الحمد لله أنا من مستخدمي الماك من بدايات 2000 بعكس 99٪ من مستخدمي الماك بالسعودية ما عرفوه إلا بعد الآي فون وتالي قاموا يرفعون خشومهم 🙂

        محسوبك، مدير قسم ملتي ميديا أعمالنا تقدر تشوفها بأي شركة اتصالات بالسعودية والخليج، وحاجتي للماك أكبر مما تخيل، وراتبي يسمح لي بطبيعة الحال.. لكنني ما انجرف ورى رغباتي.! حاجتي عند شي معين باخذ هالشي لو وش ما كان.. بس لو رغبتي عند شي ما تتوافق مع حاجتي له، لا والله بلاه.. لو الفلوس زايدة معاي اجيب هدية للوالدة تدعي لي بسببها 🙂

        بالاخر قلنالك النصيحة وانت حر.. ان شاء الله تفتح جينيس بار في غرفتك 🙂

        سلام..

  9. I don’t live with apple هذي غيرة او حسد !! بس فهمني !! مو ناقص غير تعيش حياته لسعود و مو ناقص غير تتحكم بيها كمان ، الراجل معاه فلوس و الحمدلله الله يزيدله و الراجل يعشق ابل ، انت ايش دخلك فيه ، بس ما يكون الراجل قاعد يدفع من فلوسك و تبي تحاسبه !! خليه يرمي فلوسه على شراء منتجات ابل احسن ما يرميهم بهدف الشر لا سمح الله ، هو بالنهاية يساعد الناس من خلال الريفيوز ، مشكور اخي سعود حياك الله

  10. iDontLiveWithApplel مادري انت ناصح ولا فاضح يعني لو كان عندك نصيحة من جد ممكن ترسله علي الخاص ،،،،لكن الواقع يكذب كلامك ،،،ممكن تكون انت تحتاج تعالج نفسك !!
    لكن مرضك هنا مايحتاج له طبيب نفسي بل يحتاج له طبيب قلوب رباني يعالج ضغينتك وحسدك ..كان الاولى منك كلمة شكر على الاقل اذا كنت منصف مع نفسك ،،،، اخي سعود وفقك الله ومو عيب ان الانسان يظهر نعمة الله عليه ،،بالتوفيق وننتظر جديدك 

  11. حسد مين انت وياه.!

    الحمد لله وضعي مستقر وأموري على خير ما يرام..
    أملك آي ماك وماك بوك برو وآي فون فور 🙂 وكلهم أحتاجهم وما أقدر أستغني عنهم،!

    بس لما يكون في انسان معاه: ((كل منتجات أبل)) ولما نعرف إن هالإنسان ماله أي علاقة بالتقنية غير حب شركة أبل.. الوضع هنا غريب والا عادي؟

    أنا ما أكره الأخ الفاضل سعود الخميس ولا شي.. بس اتوقع في كثير مجاملين له ومتملقين ما يقدرون يقولون له هالكلام وجهًا لوجه.!

    لكن الحسد وما الحسد.! سلامات.! الله العالم اني لو بغيت اشتري واحد من كل منتجات أبل شريت.. السالفة مب سالفة فلوس.. سالفة مبادئ وأولويات بحياة الإنسان..

    1. يالغالي لازم تفرق بين النصيحة والتجريح ..

      لانك اذا حبيت تنصح شخص لابد تكون أفضل منه من ناحية الأسلوب الإيجابي لانك تريد انك تكسب وده فبعد ذلك سيقوم بنصيحتك لكن اسلوبك ابداً ليس للنصيحة قمت بالتجريح ثم بالاتهام ثم رميت كلام كأنك تتكلم مع شخص مجنون ..

      النقطة الآخرى أنت وش دراك ان مالي اي علاقة بالتقنية ؟! ووش دراك اني مااستخدم الا منتجاب آبل ؟! في المستقبل اتمنى انك ماتحلل حياة شخص ( بماتريد ) ليس لأنك شاهدت اكثر من مقال لي حكمت على حياتي واصبحت الرجل الذي سيغيرها !!

      بالنسبة للأولويات الحمدلله لست بحاجه لفهمها فمن عمري 14 سنه وانا اطبقها الى الان والحمدلله مرتاح بحياتي لانها حياتي وليست حياة غيري .. ولابد ان تعلم حياتي ليست مثل حياتي والاختلاف بين البشر لابد منه ..

      أضيف الى ذلك أني لا أملك جميع منتجات آبل ( كما تقول ) .. وبالنسبة للي جاملون ويتملقون حتى في هذي حللتها ( بما تريد ) فأعيد وأكرر وش دراك ؟! وبالنسبة لتعليقك هذا مايسمى وجه لوجه !!

      عموماً أتمنى لك التوفيق ونجاح في حياتك والله يزيدك خير على الخير اللي انت فيه ..

      بالتوفيق

  12. سعود.. الله يعطيك ألف عافية على التقرير..
    ويرزقك على قد نيتك..

    ولا تحرمنا هالنشاط والتقارير المتعوب عليها ما شا الله 🙂
    وقدامك العافية 🙂

    ..

    وللأخ iDontLiveWithApple
    وجهة نظرك لها احترامها .. مالم تجرح وتقدح في أي شخص
    أسلوبك كان أسلوب فضح أكثر من نصح .. مع أنه ما في شي تنصحه به أصلاً – حسب رأيي -، سوى إنك لم تجرب أن تكون Geek 🙂

    ما رح أدخل معك في متاهات .. بس باقلك شي واحد
    مدام انك تتابع سعود في تويتر، أكيد إنك شفته صفحته في تمبلر و FormSpring و Sayat.me وغيره .. كان بإمكانك تخلي كلامك ذا بينك وبينه .. لو من جد تبغا الخير من ورا كلامك 🙂

    ..

    الله يهديك ويهديني ويهدي الجميع

  13. أخوي سعود الخميس جزاك الله خيراً على تقاريرك استفدنا منها كثيراً

    بالنسبة لأجهزة آبل أجهزة قمة في الأناقة والجودة والإبداع رائعة بكل ماتعنيه الكلمة نظامها سلس كالماء …

    فلا استغرب من عرفها أن يعشقها لدرجة الجنون

    فغيرنا يعشق الصقور ويتداولونها بالملايين وغيرنا يعشقون الإبل ويتداولونها بالملايين مع أنه لو أشوفها قدامي ما حط فيها قيمة ماك بوك فالناس لما يعشقون مذاهب

    فكلا حر بما يفعل وما يفعله يخدم من توافقت اهتماماتهم مع اهتمامة

    في انتظار تقريرك القادم بالتوفيق .

  14. مرحبا أخوي سعود
    اولا: جزاك الله كل خير على الريفيو الرائع
    ما شاء الله عليك وعلى الساعة الخوقاقية ههه
    وعسى يزول باسك قريب إن شاء الله

    ثانيا : هل هذاالمنتج متوفر في الغربية ولا لا
    ويا ليت تذكر لنا المحلات اللي توفره

    ثالثا : أتمنى ينزل الريفيو عن الايبود نانو قريبا جدا

    رابعا: بدون مجاملة ” تعجبني طريقة تفكيرك في الأشياء اللي تحتاجها “

  15. ذاك اليوم لمحت الايبود نانو قلت شعنده الرجال شاريه ولا سوا تقرير ؟
    بس صراحه الساعه حلوه
    ولو ان الحجم كبير والسعر مبالغ فيه
    لامن قبل الايبود ولا من قبل الإطار حق الايبود نانو
    بس التغيير حلو

    وعقبال مانتوظف ونصير زي وضعك ماشاء الله
    الله لايغير عليك

    وبالنسبه للي يستنقد شراء المنتجات
    والله اني استغرب منه !
    يجيك واحد مايحتاج هالغرض ويقعد ينتقدك عليه
    بس عشانه ( هو ماهو محتاجه ) ينتقده وكأنه هو الي بيستخدمه
    عوافيك عليك يابطل
    وماشاء الله عليك

  16. السلام عليكم اخووي سعود ,,
    بعد اذنك بس ,,

    صراحة اعجبتني ,, بس شو رأيك هذي احسن او حق آبل اللي تنباع في الموقع ,,لانها ارخص

    يعني هذي باين الفخامه فيها ولا ؟؟

    وان شاء الله ناوي اشتريها

  17. مراجعة رائعة جداً
    —————————-
    بالمناسبة أنا أكره هذه الشركة رغم امتلاكي
    ل آيفون و ماك بوك برو .. وقريبا آيباد2 بإذن الله .. ومع هذا لا أحب آبل وأمقتها أيضاً .. ولكن كرهي للشركة لايجعلني أظلم منتجاتها فهي ذو جودة عالية وتخدمني صراحة .. فأتمنى من كل ذو عقل فهم حديثي .

    بصراحة كل ما ارغب به الآن هو الرد على بعض الردود
    الغريبة ؟؟

    الأخ مسوي تقارير وأخبار ومراجعات رائعة .. بطران .. يبغى يبذر فلوسه . عنده فلوس الدنيا … يستعرض قدام الناس .طفران ويشتري بعد مايستدين الفلوس ..يسرق المنتجات عشان يعرضها لكم .. يعتبر أبل أهله وناسه .. وإلا يكرههم ويحقد عليهم ..

    انتوا وش دخلكم .. بالعربي ومن الآخر أعطوني سبب منطقي يخليني أشوف كلامكم فيه معنى وذو فائدة ؟؟

    كل اللي أشوف حسد وحقد ورأي سقيم وعقيم وتدخل سافر في خصوصيات الآخرين بغير وجه حق ؟؟

    اللي يسمع البعض يقول ان منتجات آبل اللي يشتريها الأخ سعود من فلوسكم وانتوا اللي تمولونه ..؟؟

    ” حدث العاقل بما لايليق فإن صدقك العاقل فلا عقل له ”

    احترموا عقولنا وأرواحنا وقبل هذا وذاك أحترموا انفسكم ولاتهزوا شخصياتكم وتستنقصوا من فكركم أمام الناس .

  18. يعطيك العافيه أخوي سعود على الريفيو جداً رائع ..

    أستمر و الله يوفقك و يرزقك على قد نيتك ..

  19. ماشاء الله … اخوي سعود ودي في وحده مثلها من وين اقدر اجيبها وانا ماني من سكان الرياض انا من ينبع

  20. السلام عليكم

    يعطيك ربي الف عافيه يا سعود ما شاء الله عليك احب اتابع شروحات اول باول اتمنى من الله ان يبد عنك عيون الحاسدين ولاكن في سوال

    هل ذا شريت الايبود بيجي معاه سير

    هل ذا شريته الايبود لحال وين اصل محل لبيع سير
    هل يوجد محلات في شرقيه

    سوال اخير يا الغلا كم بتكلفني كامل

    لاهنت

    يعطيك ربي الف عافيه مره ثانيه

  21. >>>

    ماشاء الله علييك ..

    وجزاك الله خير ..

    واكرر واقووووول لايهمووونك العذال والحاسدين ..

    وانا من المتابعين لك جداً جداً جداً ..

    والي سأل عن محل مدى الخيال هو في الرياض شرق الرياض مخرج 14 شارع احمد بن حنبل مقابل مستشفى حكومي يبنى لوحه بيضاء و جنبها بس وكلب هههههههههههه وش تبون أكثر من هالووووصف 🙂 🙂 🙂

  22. يعطيك العافيه اخ سعود الخميس وكثر الله خيرك ويزيدك من خيره
    ولا يهزك ريح
    واستمر والله يوفقك في دراستك الجامعيه

    اما هذا اللي اسمه iDontLiveWithApple
    الله يعينه على نفسه ، بس صدقني يا اخ سعود بحياتي شفت وايد نفسه فيهم مرض

    ومستانس على عمره انه مدير قسم الملتي ميديا
    اتفه شي بالكمبيوتر ساينس
    ومستانس على عمره
    عادي ماخذ منصبه بالواسطات وتزلغ الوايرات
    اصلا يبين من اسلوبه انسان مريض الله يشفيه
    انسان ماادري شعلق عليه من غباءه
    يقول اتبعك بتويتر وابتلش فيك
    الضاهر الاخ المدير الخبره مايعرف يسوي unfollow
    مابي استاثم فيه
    بس مااقول الا الله يعينك على نفسك ويعين ربعك اذا عندك ربع عليك
    ويعين اهلك عليك
    ويعين الموظفين اللي انت رئيس قسم عليهم عليك
    وانشالله يكونون مايعرفون عربي عشان مايطقونك 🙂

    دعاااء من القلب للاخ سعود الخميس “الله يعطيك على قد نيتك ويوفقك دنيا واخره”

    دعااء من القلب حق iDontLiveWithApple
    “الله يشفيك عاجلا ام آجلا”

  23. الله يعطيك العافية أخوي سعود تقرير أكثر من رآئع و متابع لمدونتك ولقنآتك ع اليوتيوب

  24. اخوي سعود الله يحفظك والله لا يهينك وانا اخوك مدري محل مدى الخيار اللي بمخرج13 بالضبط وينه لذلك اتمنى من شخصك الكريم الشرح اكثر عن الموقع شاكر لك تعاونك وروحك واخلاقك العاليه…

  25. أخوي سعود الخميس جداا أشكرك على الإفاده بهذه القطعه و أنا رح أشتريها

    بالنسبه لك أخوي iDontLiveWithApple

    الله يشفيك بس أولا إذكر الله و ثانيا يوم تقول تكشخ فيه

    ما أقول إلا كلن يرا الناس بعين طبعه و الأدمي ما قصر بيوري الناس هذي القطعه

    ألحين لو لا الله ثم هو منيب شاري القطعه إذا أنك ما أستفدت لا ترد ديور الله لا يهينك و سكر الصفحه بعد

    قال الشافعي

    تجنب نُصحي في الجماعه

    فإن النصح في الجماعه نوع من التوبيخ لا أرضى استماعه

    لكن أنت جبتها على نفسك و الله يهديك

    ~~~
    ~~~

    أخوي سعود الخميس في غاايت الشوق لـ مقالك القدام ولا عليك بالعذاال أبد .

    تحياتي لك أخوك اللي قابلك بدانكن بالغلط هع

  26. السلام عليكم
    شكرا عالتقرير والمنتج يعتمد على احتياجات الناس بالنسبه لي لااراه مناسبا لي ةننتظر تقرير الايبود نانو على احر من الجمر

  27. لا يوجد شخص يحدد اين تصرف مالك …
    ماهي المشكلة ان تشتري كل منتجات ابل ولديك المال ؟؟؟؟؟؟

    المال لثلاثة لك انت و للقدر وللورثة … اي الثلاثة تحب ان تصرف مالك عليه ؟؟؟

    شركة ابل تستحق ان تصرف مالك فيها لأنها احترمت العملاء بهذه المنتجات …

    استاذ ( iDontLiveWithApple ) كيف تشتري ايفون 4 ولم تشتري اي فون 3g مستعمل وانت تقول انك لا تشتري الا حاجتك ؟؟؟

  28. ياهلا والله بالأخ سعود
    أعجبتني الساعه
    ولها مميزات أكثر من الساعه العاديه

    …………………..

    ولو مانت أنسان ناجح كان مالحقك هنا وبتويتر

    وأقولك لايهمونك الحساد والى الأمام
    بالتوفيق

  29. يعطيك العافيه اخوي سعود

    بس صارت هوشه هوشه مع اللي قاعد ينصح .. بس بقولك محد غلط وكلن يصلح سيارة الثاني!!
    المهم كلكم اخوان
    المصران تتهاوش في البطن ( شوفو الامثاله بس )

  30. لو سمحت بغيت اسال في الغربيه فين الاقيه وهل في موديلات سعرها اقل لانو المنيزانيه ماتسمح اشتري بهالمبلغ بس جدا عجبني وسمعت انو فيه كمان حساب للسعرات الحراريه ؟

  31. طيب ابيها بالسعوديه تحديدا بالرياض لاكن ىين ممكن القاها وبكم سعرها لو سمحت وشكرا☺

اترك رداً على Hesham إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *